Saturday 19 January 2013

Skrifenn Deg warn Ugens - Kammneves Absorptyans

Kammneves Absorptyans  -  Absorption Spectrum

Linennow tewl gorrys war gammneves didorr, kawsys gans absorptyans an golow neb a dremen dre gass a dempredh isella es fenten an golow didorrva.

Skrifenn Naw warn Ugens - Linennow Absorptyans

Linennow Absorptyans   -   Absorption Lines

Linennow tewl yn kammneves, askorrys pan eus golow po dewynnyans tredandennvenek arall ow tos diworth fenten pell, ow tremena dre gommolenn gass po taklenn kehaval yn-nes dhe'n aspier. Haval orth linennow dyllans, linennow absorptyans a dhiskwedh formyans kymyk hag uskittredh an devnydh a's askorr.

Friday 11 January 2013

Skrifenn Eth warn Ugens - Tempredh Pur

Tempredh Pur (Absolute Temperature)

Tempredh musurys gans skeul Kelvin: 0 Kelvin = -273.15 ° Celsius

Tempredh Pur yw derivys yn syth dhe nerthedh kynetek dre gehavalyans E = k_B T, mars yw k_B divarenn Boltzmann.

Ytho, tempredh 0 Kelvin a wra omhevelli orth nerthedh mann. 300K = 27°C a wra omhevelli orth nerthedh 0.025 eV

Skrifenn Seyth warn Ugens - Gerva Sterenieth

I've started a translation fo selected terms from an astronomical glossary

Braster Pur (Absolute magnitude)

(a) Musur splannyjyom a-berthek sterenn po galaksi.

Braster pur yw styrys avel braster heveladow a'n sterenn po galaksi a'n jeva mar pe ev 32.6 blydhen-golow (10 parsek) a'n nor. An isella braster pur a daklenn, dhe vrassa y splannyjyon a-berthek.
Rag ensample, yma braster pur a +4.83 dhe'n Howl, mes Sirius, neb a'n jeves splannyjyon a-berthek brassa es an Howl, a'n jeves braster pur a +1.43.

Sterenn a's teves braster pur unn vraster moy es sterenn arall, (rag ensample +4 erbynn +5) yw 2.5 plek spanna a-berthek.

Sterenn neb yw pymp braster pur splanna yw kansplek splanna a-berthek, sterenn neb yw deg braster pur splann yw 10000 plek splanna a-berthek.

(b) Braster pur (g) a gorf system howlek kepar ha planetik yw styrys avel splannder mar pe an elin-agwedh mann hag an korf 1AU a'n Howl ha 1AU a'n aspier